Lunes, Marso 14, 2022 hingpit na nga gi-blessingan ni Fr. Juliano Retiquez, SSJV ang 32 ka bag-ong mga Heavy Equipments sa Kapitolyo Probinsyal nga gipahigayon sa hawanan sa Motorpool Compound.
Anaa mismo ang presensya ni Gobernador Bambi Emano uban ang mga miyembro sa Sangguniang Panlalawigan.
Ang Misamis Oriental adunay kinatibuk-ang gitas-on nga mga karsada sa probinsya nga moabot og 1,066.64 kilometros nga pulos napasemento sa administrasyon ni Gobernador Bambi nga gilangkoban sa 442.03 kilometers in good condition; 297.00 kilometers in fair condition; 255.18 kilometers in poor condition, ug 72.33, kilometers in bad condition.
Ang 32 ka mga bag-ong Heavy Equipment nga gibendisyonan gilakipan sa 8 Crawler Hydraulic Excavator nga adunay breaker; 6 Wheel Hydraulic excavator; 6 Wheel loader; 4 Motor Grader; 4 Vibratory Roller; 2 Fuel Tanker ug 2 ka Multi-Purpose Water Tanker nga sa kinatibuk-an mokantidad tanan og ₱ 400 milyones.
Dungan sa blessings giampo sab ni Fr. Retiquez ang mga drayber nga naggamit sa maong mga ekipo nga iluwas sa ilang pagmaneho ug panalipdan sa panahon nga mag-operate niini.
Kung sa niaging administrasyon 19 lamang ang heavy equipment kon asa 10 lamang niini ang mapuslan karon sa pamunoan ni Gobernador Bambi moabot sa 58 ka bag-ong ekipo ang napahimuslan sa pagpatukod sa mga kadalanan ug uban pa nga proyekto ug anaa sab kanunay mitubag sa hangyo sa mga kabarangayan ug kalungsoran panahona sila nagkinahanglan alang sa ilang proyekto. (Jeneva May G. Bandong)
(Source: Misamis Oriental Provincial Information Office Facebook page)
