Malampusong gipahigayon sa Community Improvement Division ubos sa programa sa Cooperatives ug Livelihood ang duha ka managlahing seminar bag-ohay lang mahitungod sa ‘packaging & labeling’ ug ‘core values’ sa kooperatiba.
Muabot sa kapin 80 ka mga miyembro gikan sa Bolonsori City Memorial Park Laborers Marketing Cooperative ang mitambong sa nasangpit nga seminar kabahin sa ‘core values’ sa kooperatiba.
Anaa usab ang partner agency nga Cooperative Development Authority Region 10 kinsa mihatag og pagtuon kabahin sa Republic Act 9520 kon Coop Code of the Philippines.
Sa laing bahin, 30 usab ka mga vendors sa Cogon market ang nakapahimulos sa libreng ‘packaging & labeling seminar’ kinsa nahimong dinapit nga resource speaker si Professor Jude Andrea Eve Palac – Maternal gikan sa University of Science and Technology.
Ang nasangpit nga kalihokan pipila lang sa nagkadaiyang programa alang sa pagtabang sa mga kooperatiba sa dakbayan.
(News and photo courtesy of CIO CDO)