Gikalipay sa Night Market Management Committee ang kalambuan ug pagsunod sa mga food cart vendors diha sa dalan Guillermo kalabot sa mga gabayan ug palisiya nga gipatuman sa syudad ubos sa administrasyon ni Mayor Rolando ‘Klarex’ Uy.
Partikular na ang mahitungod sa insakto ug limpiyo nga sudlanan sa sawsawan ug pamaagi nga dili ibalik-balik pagtuslob sa sawsawan ang nakan-an nga pagkaon.
Kini human nakita sa mga sakop sa Night Market Team pinangulohan ni kanhi Kag. Enrico Salcedo atol sa gipahigayon nga surprise inspection ug monitoring sa Cogon Market area bag-ohay lang nga nigamit na og disposable cup alang sa sawsawan ang mga vendors.
Naglaum ang Team nga padayonon sa mga vendors ang maong pamaagi aron masiguro nga limpiyo ug luwas ang publiko sa ilang gipalit nga mga pagkaon.
(News and photo courtesy of CIO CDO)