CAGAYAN DE ORO CITY- Liboan ka mga police ang ipakatag sa nagkalain-laing bahin sa Amihanang Mindanao dugtong sa pagtamod sa semana santa ug sa taliabot nga eleksyon sa Mayo, sumala pa sa Police Regional Office 10.
Matud pa ni PRO 10 spokesperson Lt. Col Michelle Olairer nga giunhan sa kapin 600 ka mga bag-ong police ang ilang gipakanaug sa headquarters alang sa police visibility ilabi na sa mga dagkong syudad sama sa Cagayan de Oro aron pagsiguro nga hapsay ang pagbalaan sa mahal nga mga adlaw ug sa piniliay sa rehiyon. Gisugilon pa ni Olaivar nga ilusad nila ang lapad nga deployment sa ilang tropa sa nagkadaiyang bahin sa region 10 hinapos ning bulana. Dili usab magpanuko ang kapolisan sa pagdakop sa mga kandidato nga mohimo pagsinamok sa mga kalihokan sa simbahan panahon sa semana santa.
Gipahinumduman sa kapolisan ang tanang kandidato nga likayan ang paghimo sa indirect election campaigning nga dakong kasupakan sa Comelec diha sa pag-obserbar sa Semana Santa ilabina sa Huwebes ug Biyernes Santo sa mga religious sites sa Northern Mindanao. (Gin B. Serohijos)