Andam ang CDO LGU sa gikinahanglang bed capacity sa isolation units kon ugaling adunay pagsaka sa COVID 19 cases human sa bag-ohay lang natigayong piniliay.
Matud ni Acting City Health Officer Dr. William Bernardo nga adunay halos 200 beds available ug andam na kini, apan nanghinaut ang opisyal nga dili unta makasinati sa pagsaka ang syudad taliwala nga bukas ang nasud sa mga turista ug balikbayan gikan sa laing nasud.
Gani man, tulo ka adlaw na nga nakatala og zero case ang Cagayan de Oro halos duha ka semana na ang milabay human sa May 2022 elections.
Subay niini, hugot pa gihapon ang panawagan ni Mayor Oscar Moreno kauban ang Emergency Operation Center nga kanunay’ng sundon ang minimum public health standards ug pag-avail sa booster shots alang niadtong nakakompleto na sa second dose alang sa dugang proteksiyon.
(Source: Cagayan de Oro City Philippines Facebook page)