Mapahimuslan sa mga residente sa Barangay Baikingon ug kasikbit nga mga lugar ang mga batakang serbisyo nga libreng itunol sa nagkadaiyang buhatan ug departamento sa city hall karong umaabot Sabado, Hunyo 3 ning tuig.
Tipik sa mga libreng serbisyo mao ang ‘Kasalan ng Bayan’ kon mass wedding alang niadtong nagpuyo-puyo na sulod sa pila ka katuigan, ibot sa ngipon, paghiling sa balatian kon medical check-up, tambal ug medisina, paglukat sa mga dokumento sama sa business permit, cedula, electrical, building permit, pagbakuna sa mga hayop, paghatag og mga binhi sa prutas ug utan, pagrehistro sa pagkatawo, masahe, alot ug daghan pang uban.
(News and photo CIO CDO)