Cagayan de Oro: Kapin 100 ka pamilya nga naapektohan sa ASF makadawat og 3 ka baktin, feeds ug vitamins

Gibana-banang kapin 100 ka pamilya dinhi sa dakbayan sa Cagayan de Oro kinsa naapektohan sa African Swine Fever kon ASF ang makadawat og hinabang gikan sa syudad.
Sa pagpakayab sa nasudnong bandila Lunes sa buntag, gibutyag ni Mayor Rolando ‘Klarex’ Uy nga mohatag ang syudad og tulo (3) ka baktin, lakip feeds ug vitamins isip tabang sa mga apektadong pamilya nga makabangon sa ilang panginabuhian.
Sugdan ang paghatag sa mga baktin, feeds ug vitamins diha sa Barangay Mambuaya sa dili madugay, sigun ni Mayor Klarex.
Sigon pa sa mayor nga nasayod siya sa nasinating kalisdanan sa mga apektadong pamilya human miigo ang ASF sa syudad, busa, nanghinaut kini nga makatabang bisan sa ginagmay nga pamaagi.

Source: CIO-Cagayan de Oro City