Sugod Hunyo 6, giwagtang na ang curfew hours sa dakbayan sa Cagayan de Oro human gipirmahan ni Mayor Oscar Moreno ang Executive Order No. 104-2022.
Kahinumduman nga ang curfew hours sugod alas 11:00 sa gabii hangtod 4:00 sa buntag maoy usa sa mga Covid-19 response measures nga gipatuman sa syudad sobra duha ka tuig na ang milabay.
Ang padayon nga pagkunhod sa kaso sa Covid-19 sa dakbayan, ‘low risk’ nga estado basi sa health data ug kapin duha ka bulan nga Alert Level 1 status sa dakbayan maoy rason sa pagwagtang sa curfew hours.
Taliwala sa pagluag sa maong gabayan, padayon gihapon nga ipatuman ang modified CDO Ordinance No. 4373-94 kon curfew hours alang sa mga menor de edad nga nag-edad 15 anyos paubos sugod alas 10:00 sa gabii hangtod alas 5:00 sa buntag.
(Source: Cagayan de Oro City Philippines Facebook page)