HINIUSANG gipasiugda sa kagamhanang lokal sa Cagayan de Oro pinangulohan ni Mayor Rolando ‘Klarex’ Uy pinaagi sa Community Improvement Division ug City Social Welfare and Development Office ang City Inter-Agency Committee Council – Social Security Sub-Committee orientation sa Bulua covered court, Abril 18 ning tuig.
Sumala ni Social Security Sub-Committee chair Mr. Rodger M. Zerna nga tinguha sa maong kalihokan nga ma-edukar ang mga 4Ps beneficiaries kabahin sa social protection pinaagi sa insurance sama sa Social Security System, Philhealth ug panginabuhian pinaagi sa kooperatiba.
Lakip sa misalmot ang mga personahe sa DSWD 10, SSS ug CHIO. Nagpahigayon usab ang First Community Credit Cooperative (FICCCO) og pre-membership education seminar.
Uban sa hugot nga suporta ni Bulua chairman Al P. Legaspi Jr., moabot sa 78 ka mga 4Ps beneficiaries sa Bulua ang mitambong sa maong aktibidad.
Anaa usab si City Councilor Imee Rose Moreno, ang chairperson sa Committee on Cooperative sa konseho kinsa nanghinaot nga pahimuslan sa mga 4Ps beneficiaries ang ilang nakat-unan sa maong orientation.
News and photo courtesy of CIO CDO
