Panaghiusa ang unod sa mensahe si Provincial Governor Peter “Sr. Pedro” Unabia atol sa pag-bukas sa 1st Mayor Rolando Klarex Uy Charter Day Inter-Agency Sports Festival.
Matud ni Governor Unabia nga pinaagi sa Sports Festival kinahanglang ipakita ang maayong relasyon sa tanang departamento dili lamang sa ciudad apan lakip na sa lalawigan sa Misamis Oriental.
Amg seremonyas gitambongan usab ni Cagayan de oro Boxing pride Carlo Paalam, mga Mayores sa na lalawigan, ika-20th City Council, Board Members, ug tanang myembro sa Departmento sa gobyerno.
Hisayran nga Mao kani ang pinaka unang higayon nga gipahigayon ang Charter Day Inter-Agency Sports Festival. Alayon sa pagsaulog sa HIMUGSO sa dakbayan sa tibuok bulan sa Hunyo.
Nagpasalamat usab ang mayor sa supporta nga gihatag sa lalawigan sa Misamis Oriental sa pagpangulo ni Gov. Peter Unabia kauban ang iyang mga Board Members ug mga Department Managers.
Dugang pa sa mayor nga mao kani ang talimad-on nga ang Cagayan de Oro ug Misamis Oriental nagka hiusa na. Sa taas nga panahon karon pa lamang nabati sa katawhan nga adunay kalinaw ug panaghiusa sa mga leader nga namuno karong panahona. (Cheleste Simene, photo courtesy of Mayor Klarex Uy Facebook page)