Nagpahigayon sa pagturn-over og Negosyo Starter Package ang Department of Trade and Industry (DTI) ngadto sa mga mga mag-uuma ug mananagat sa Lungsod sa Lagonglong ug Medina pinaagi sa isnisyatiba ni Kongresista Unabia bag-ohay lamang.
Ang Negosyo Starter Package gilangkuban sa mga kagamitan nga gikinahanglan sa mga benepisyaryo alang sa ilang panguma ug panagat.
Ang pagtunol sa mga negosyo kits tipik sa Livelihood Seeding Program – Pangkabuhayan sa Pagbangon at Ginhawa (LSP-PPG) nga programa sa DTI. Tumong niini nga ma-abagan ang mga benepisyaryo nga mo-uswag ang ilang mga panginabuhian ug ginagmay nga mga negosyo.
Pinaagi sa inisyatiba ni Kongresista Christian S. Unabia, nahimung posible ang pagpa-abot sa maong proyekto ngadto sa mga benepisyaryo nga gikan sa nasangpit nga mga lungsod.
Naglaum si Kongresista Unabia nga hatagan og dakong bili sa mga benepisyaryo ang mga kahimanan nga gitunol kanila sa DTI ug Nasudnong Kagamhanan.
(Source: PIO-Misamis Oriental, photo courtesy by Amor Veluz | Junril Dagala)