Katorse (14) ka mga kliyente ang na-reached out sa Oro Response and Processing Center subay sa hangyo ni Police Station 1 Commander P/Maj. Sebastian Balagot Chua nga maatiman ang mga homeless individuals ug children in crisis situations diha sa may Xavier University-Watson, Divisoria ug Shanghai areas niadtong Enero 26.
Temporaryong gipahimutang karon sa ORPC holding area ang usa ka CiSS, pito ka homeless individuals ug tulo ka person with mental illness alang sa safekeeping, sigun pa ni ORPC head Norhidaya Hadji Sarip.
Lakip usab sa na-reached out ang usa ka homeless individual adult nga aduna’y epilepsy ug giatiman gilayon sa City Disaster Risk Reduction and Management Department human kini sa nag-seizure ug giplanong i-admit sa Northern Mindanao Medical Center alang sa tukmang medical intervention.
(Source: Cagayan de Oro City Information Office Facebook page, infographic courtesy by Jhon Carl Balanza)