Pagasirad-an sulod sa usa ka bulan ang Bolton Bridge 2 dinhi sa dakbayan sa dabaw sugod karong Hulyo 31 hangtud sa Agosto 31 ning kasamtangang tuig.
Sa gipagawas nga advisory sa City Transport and Traffic Management Office (CTTMO) ngadto sa tanang mga motorista gipasabot niini nga pagahimoon ang pag-repair sa nasangpit nga tulay pinaagi sa Department of Public Works and Highways (DPWH) Eleven mao nga ipatuman ang pagpasirado niini.
Subay niini, ang mga motorista mamahimong moagi sa J.P. Laurel Avenue, Quirino Avenue padulong MacArthur Highway; G. Torres St. (Sandawa), Generoso Bridge – Quirino Ave.; C.P. Garcia o JP Laurel, Quirino Ave. – padulong Mc Arthur Highway; CP Garcia o Mac Arthur Highway.
Nagpasalamat usab ang lokal nga panggamhanan sa siyudad sa pagsabot sa katawhan sa nasangpit nga kaugdahan.
(Source: Davao CTTMO)