Benepisyo sa Balik Probinsya sa Davao region, kapin 300 ka pamilya natabangan

Davao Region – Muabot sa 376 ka pamilya ang nakabenepisyo sa Balik Probinsya Bagong Pag asa Program sa tibuok rehiyon onse.

Sumala ni DSWD XI Focal Person Lee Mecris Berdos, programa kini sa gobyerno alang sa mga pamilya kinsa labing naapektuhan tungod sa Covid-19 community quarantine.

Dugang niini, muabot sa 73 ka pamilya sa 2021 ang nakabenipisyo samtang 294 usab ka pamilya ang natabangan niadtong tuig 2022.

Sigun sa opisyal, nga target karon sa ahensya nga mahatag ug tabang ang kapin 400 ka pamilya sa tuig 2023.

Gibutyag usab niini nga  mokabat sa kapin P26,400,000.00 pesos ang tabang pinansyal nga nadunol sa mga pamilya. (Camille Santos Naraga)

(Source: DSWD XI)