Nanayunan manen ti ili a nakaipasdekan iti Sand Box a Programa ni Cong. Sandro Marcos iti probinsia, dagitoy ket ti Pasuquin/Burgos ken Adams.
Inlawlawag ni Congressman Sandro Marcos nga inyunana ti adams no maikomperar kadagiti nagduduma nga ili gapu ta nalengleng ti ayan da…
Dagiti naipasdek a Sand Box ket kas metla kadagiti immunan a naipatakder nga addan iti adu a Laptop/Tablets ken Cellphone ka ti adda iti Laoag City ken idiay Pagudpud.
Napigsa ti naikonektar nga internet kadagiti sand box gapu ta nairanta a pagresearch san dagiti agbasbasa ken uray kadagiti lumugar nga addaan iti negosyo kas kadagiti kameng ti MSME.
Mamati ti diputado a ti dakkel ti maitulong ti kaadda ti internet tapno alalisto ti panag sukisik dagiti agad adal iti assignment da idinto a kadagiti negosiante ket adadu ti mabalin a maamammuda a pangilakuan iti produktoda…
Inpasigurado ni Congressman Sandro a maituloy ti programa na ket iti surong valley Vintar wenno idiay Pallas dagiti puntirya a pangipasdekan ti sumaruno a Sand Box.
Author: Cheena Arzadon
Source : PGIN