30 C
Manila
Friday, March 29, 2024

Batac: PHO, nagpalagip kadagiti nagannak a saan nga iyaleng aleng no aggorigor ti anak

- Advertisement -

Pinalagipan ni Provincial Health Office Dr. Josephine Ruedas dagiti nagannak a saan nga iyaleng aleng no adda iti marikrikna a madi wenno aggorigor ti anak.

Visit RPN DZRL Batac

Namunganay pay laeng daytoy a pammalagip ni dr. ruedas iti publiko gapu iti panagraira manen iti sakit a dengue no kastoy a panawen ti panagtutudo.

Kunana a saanen nga iyuray nga agseryoso wenno dumegdeg iti marikrikna ti anak sakbay nga agpakita wenno agpakunsultar iti doktor.

Kunana a no nasapsapa a maduktalan a nakagat iti lamok nga eidis egipti,al alisto met laeng a maagasan wenno lumaing ken maliklikan iti panagkumplikasion.

Maipalagip nga itay napan a tawen, awan ti nairecord a pimmusay nupay immabut iti 188 ti bilang dagiti nagsakit iti dengue.

Iti agdama, umabut metten ti 77 dagiti naapektaran iti dengue iti intero nga Ilocos Norte sipud natapugan iti daytoy a tawen. 14 iti taga Laoag idinto a dagiti nabatbati a bilang ket manipud kadagiti nagduduma nga ili ditoy probinsia.

Agpapada a saan met unay a nakaro iti narikna da wenno seryoso a nagsakit iti dengue. Iti baet daytoy, ginutigut manen ni Dr. Ruedas ti publiko iti agnanayon a panagdaldalus iti uneg ken ruar ti pagtaengan tapno mabugyaw dagit mabalin a pagumukan ti lamok. (Cita Macalipis)

(Source: Provincial Health Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -