Pannakapasayaat pay iti biang ti agrikultura iti ciudad ti Laoag para kadagiti umili. Daytoy ti kalikagum nga itandudu ni PCL Pres. Handy Lao iti manarimaan nga Executive Legislative Agenda wenno ELA dagiti opisial iti ciudad ken Dept. heads a maang angay idiay Baguio City.
Kunana a daytoy ti tarigagayna a pakaibukbukan iti dadduma a pundo iti ciudad ti Laoag tapno matulungan dagiti kakailian.
Inbatana a masapul a maitultuloy iti pannakaipasdek ti Agriculture Center ti Laoag tapno adda iti pagyanan a pagtrainingan dagiti mannalon ken mangngalap a mayat nga agsursuro kas panangsupurta metten kadagiti programa ni Gob. Mathew Marcos Manotoc .
Kuna pay ni Hon. Lao a kasapulan a ma-upgrade wenno manayonan iti ammo dagiti mannalon kangrunaanna dagiti young farmer tapno magutigut da nga agadal ken agsursuro kadagiti kabarwanan a wagas ti teknolohiya ti biang ti panagtalon.
Innayon iti PCL President a ti laeng pagsayaatan dagiti umili iti ciudad ti kalikagum na a maipangpangruna gapu ta dagitoy iti rason ti panagpaidasig na ken panagserbi na a napudno.
Author: Cita Macalipis
Source: PGIN
