Maj G Benjamin Acorda jr. Naragsakan ni Bise gobernador Cecile Araneta Marcos iti panagtugaw ni Police Major gen. Benjamin Acorda Jr. a taga Bacarra IN a mangidaulo ti Liderato ti Philippine National Police…
Kunana a namnamaen tỉ bise gobernador a babaen kenni Gen. Acorda ket adda ti paglawlawagan dagiti nagduduma a nadadagsen nga issues iti liderato ti kapolisan iti pagilian aglalo iti illegal drugs a nakairamanan dagiti nangato ti rangko na a police..
Ti SP ti mangipasa to iti Resolution of Recognition kenni M/G Acorda kas panangbigbig ti probinsia iti panagbalin na a PNP Chief Ni Acorda ket nagserbi a deputy regional director for Administration iti Northern Mindanao police sakbay a nagserbi a Regional director idi November 2021.
Idi abril 2022 ket idauluan na ti team a nangra-ut iti maipagarup a lider ti sindikato ti gun for hire idiay Lanao del Norte.
Ni Acorda ti nagserbi a regional police director iti napasamak a shooting incident iti grupo ni labor leader Leodegario Ka Leody de Guzman idiay bukidnon itay napan a tawen.
Ni M/G Benjamin Acorda ti pinagsapata ni Presidente Bongbong Marcos a nangsukat kenni Gen. Rodolfo Azurin a nangretiro ita nga aldaw.
Author: April Joyce Gonzales
Source: PNP