Gotgotigoten ti PNP Laoag dagiti kakandidato iti masungad nga elksion a mangisuko kadagiti paltog da rehistrado man wenno saan.
Kuna ni Pol Lt. Col Jomar Labiano, OIC, chief of police ti siudad ti Laoag a nasken koma a maidulin pay laeng iti biang ti PNP dagiti ik ikotan da a paltog kas pannoporta iti gagem a natalna nga election inton Mayo.
Imbatad ni labiano a nakasagana ti kapulisan a mangasister kadagitoy a kandidato ingkaso nga agpaescort da a mapan mangisuko kadagiti paltog. Inlawlawag ti hepe a kalpasan ti Comelec gun ban ket maisublin to met laeng dagitoy a paltog idinto a dagiti expired ti lisensya na a paltog ket maasisteran da pay a mangirehistro kadagitoy karaman ti LTOPF dagiti agtagikua ti paltog. (Rodrigo Sadian)
(Source: PNP Laoag City)