Naangay iti Laoag Centennial Arena, idi martes kas umuna nga representatib ti Indigenous People iti Provincial Board ti Ilocos Norte.
Nabigbig daytoy nga ni Cheryll Bromeo, agtawen 53, residente ti Nueva Era nabigbig met ti karibal na nga ni Lorenzo Padama, agtawen 66, maysa Yapayao, residente ti Barangay Kalaw ti Dumalneg.
Ti nasao nga selection ket adda dagup na nga sangagasut upat a pulo ket maysa nga Indigenous People selection bodies nga magireprepresenta ti tallo pulo nga organisasyon iti intero nga Ilocos Norte.
Iti panangidaulo ti National Commission on Indigenous Peoples (NCIP), naisayangkat ti pannakapili ti umuna a pannakabagi ti IP ti probinsia iti board ti Ilocos Norte babaen ti open nomination.
Sakbay ti panagpili, naidatag dagiti nominado iti selection body ken naikkan iti panawen aidatagda ti adyendada. Kalpasan dayta, nagtakder ti tunggal maysa kadagiti kameng ti selection body iti likudan ti napilida a nominado.
Gapu ti daytoy, ni Tabangay ket nakagun-od ti pito pulo ket walo nga botos ken inem a pulo ket talo met kenni Padama. Segun kenni Tabangay, kinuna na nga nangnangruna nga ilakad na ti lehislasion a mangidur-as iti karbengan ken pagimbagan dagiti katutubo ken nangruna iti panangitandudo ti de kalidad nga edukasyon.
Segun met kenni NCIP Provincial legal counsel iti Ilocos Norte Jesus Agbayani, maragsakan suna ta agpili dan ti umuna nga representatib iti Indigenous People ti Provincial Board iti Ilocos Norte.
Kalpasan ti pannakapili ti IPMR iti provincial level, kinuna ni Agbayani nga iyallatiw ti NCIP ti resulta iti NCIP Regional Office a kalpasanna mangipaulog iti certificate of affirmation. Maangay ti oath-taking ceremony sakbay ti panagtakemna kas ex-officio provincial board member. (Rod Sadian)
(Source: Provincial Government of Ilocos Norte)