Personal a kinita ni Mayor James Bryan Alcid kaduanna dagiti nadumaduma a departmento para ti posible a lugar a paka-establisaran, ma-develop ken mapagbalin nga Agri-eco Tourism Site iti siudad. Karaman ditoyen ti kabanbantayan a paset ti Barangay Barit nga aglawa ti 3,500 square meters a mabalin a pagpasyaran ken pakaimulaan dagiti nadumaduma a mula ken pagpasyaran Maysa pay a napan kinita ti Mayor ti nangato a paset ti sand dunes iti boundary ti Talingaan-La Paz nga aglawa ti 9 hectares. No adda ka iti nasao a lugar, makita ti kqbuklan ti siudad. Napintas a buya nangnangruna ti rabii Ngen kuna ni mayor alcid, a saan a magargaraw dagiti kayo ken kasta metten ti dalan a sumrek tapno adda excitement dagiti agturong iti lugar. Gagem ni Mayor Alcid iti pannaka-develop ti agri-eco tourism tapno ad-adda pay a maiyam-ammo ti siudad ti benneg ti turismo ken adda pagturungan dagiti umili ken bisbisita.