Natalna ti ili a Dingras seknan ti mapaspasangasangan a barangay ken SK elections daytoy ti impasingked ni Mayor Jeffrey Saguid iti ili ti Dingras, Ilocos Norte.
Kuna ni Saguid a numan pay adda da dagiti aglalaban nangnangruna iti kinakapitan ket agpapada met a kakadua na dagitoy isut gapu na nga awan ti namnamaen da a parikut.
Numan pay no kasta imbilin na iti biang ti pnp dingras iti assideg a panagpatrolya da kadagiti barbarangay tapno malapdan ti saan a nasayaat a mapasamak.
Ti pay laeng dimmanun kenkuana a nadillaw nga aramid dagiti sumagmamano a kandidato ket ti pannakaibunbunong dagiti meryenda nga adda nakaipit a polyetos na.
Malaksid kadaytoy ket awan metten dagiti naipadpadamag a madi nga aramid dagiti kandidato. (Rod Sadian)
(Source: LGU Dingras Ilocos Norte)