Maysa a concerned citizen ti nangipadamag kadagiti baro a na pukan a kayo a nasarakan iti kabambantayan ti Maronrono, iti asideg ti Sitio Maligligay iti ili ti Adams, Ilocos Norte idi Enero 21, 2025.
Dagus a nagresponde ti Adams PNP babaen kadagiti personnel manipud iti 101st Company RMFB1 manipud iti Barangay Manayon, Bangui, Ilocos Norte.
Nairaman pay dagiti opisial ti Barangay Adams ken dagiti kameng ti CENRO Bangui. Iti isasangpet ti grupo iti nasao a lugar, nakasarak ti grupo iti 25 a pedaso ti kabarbaro a kayo ti KAMAGONG iti uneg ti ni kalapaw kukua ni Bonifacio Colidso, agtawen iti 53 maysa a mannalon. Ti nasao a troso ket ineksamen ni Evan Cascayan manipud iti CENRO ken napattapatta nga agdagup ti balor ti Php 27,925.5.
Gapu ta awan ni Colidso iti lugar, naipan ti kayo iti Adams MPS para iti dokumentasion ken umno a disposision. Iti agdama, maisagsagana ti kaso kontra ken ni Bonifacio Colidso gapu iti panaglabsingna iti Section 68 ti PD 705.