Dinaydayaw ni Gob. Mathew Marcos Manotoc iti kinapintas ti Tanap Avis Falls iti Barangay Tanap Burgos, Ilocos norte.
Immun una ngem iti daytoy, pormal a nalukatan ti baro a pasilidad iti Tanap Avis Falls nga inatendaran ni Gob. Marcos Manotoc.
Segun kenkuana, napintas payen ti dalan nga agturong iti nasao a lugar a pagpasyaran.
Nupay kasta, nadlaw ti gobernador a bassit pay laeng ti agbaba a danum manipud iti bantay a daytoy iti masapul a mapasayaat tapno dumanon iti falls.
Inbatad na a ti Tanap Avis Falls ti makita na a maysa pay laeng kadagiti kapipintasan a water falls ditoy Ilocos Norte.
Gapu iti daytoy, maragsakan ti gobernador gapu ta napapintas iti dalan ken ti comfort room nga usaren dagiti agturong iti lugar.
Mamati ti Gobernador a maysa manen ti Tanap Avis Falls iti daywen a pagturungan dagiti lokal ken gangannaet a turista nga umay bumisbisita ditoy probinsiya. Â (Irene Ringor)
(Source: Provincial Government of Ilocos Norte)