Nangrugin ti panagpila dagiti umili ditoy ken kadagiti asideg nga ili iti probinsia ti Ilocos Norte iti online para iti mapaspasamak a Bagong Pilipinas Serbisyo Fair caravan a maangay iti Mariano Marcos State University, Laoag campus manipud Sept. 23 agingga 24.
Maitukon amin dagitoy, agraman dagiti dadduma pay a serbisio sosial ken regulatory functions dagiti makipaset nga ahensia, karaman kadagitoy ti Food and Drug Administration, Philippine Coconut Authority, Departament of Environment and Natural Resources, Departament of Human Settlements and Urban Development, Philippine National Police, Land Transportation Office, Philippine Statistics Authority, Department of Foreign Affairs, National Bureau of Investigation, PhilHealth, PAG-IBIG, Social Security System, Office of Civil Defense, Department of Social Welfare and Development, Department of Agriculture, and Department of Health.
Iti umuna a gundaway, maiyeg iti Siudad ti Laoag ti Bagong Pilipinas Serbisyo Fair caravan, maysa a flagship program ni Presidente Ferdinand “Bongbong” Marcos Jr., tapno maiyasideg ti nadumaduma a serbisio ti gobierno iti publiko.
Ti caravan ket nalawlawa ken dakdakkel a bersion ti makunkuna a Capitol Express a maiwarwaras iti probinsia ti Ilocos Norte a pakadanon dagiti mangmangged iti gobierno kadagiti saan unay a naserbian a komunidad. (April Gonzales)
