Naiyawaten dagiti pito a brand new HI-LUX patrol cars kadagiti pito met a municipal police station karaman ti dua a Montero sports para ti Ilocos Norte police provincial office (INPPO).
Ni Gov Matthew Marcos Manotoc ti nangiyawat kadagiti tulbek para ti Badoc PNP, Banna PNP, Dumalneg PNP, Marcos PNP, Pinili PNP San Nicolas PNP ken Solsona PNP karman met ti dua a Mitsubishi Montero Sports para ti INPPO.
Binalakadan met ni P/COL. Christopher Abrahano OIC provincial Director ti Ilocos Norte a rumbeng nga aywanan da dagitoy a lugan a kas kukua da tapno saan a nalaka a maperdi.
(OIC Rodrigo Sadian, RPN DZRL Batac)
(Source: Provincial Government of Ilocos Norte)