Niadtong adlaw’ng Sabado Marso 30, 2019, namalinawong napahigayon ang barangay asembliya sa Brgy. San Juan nga gipahigayon mismo sa ilang covered court ug gitambungan sa dul-an ka 1,200 ka mga residente. Kompletong mitambong ang konseho sa nasangpit nga barangay nga gipangulohan ni Kap. Susan “Tata” Galinea.
Ang SOBA kun State Of Barangay Address ni Kap. Susan Galinea miabot ngadto sa 3 ka oras. Gibatbat sa nasangpit nga kapitan ang mga accomplishments sa 2nd semester niadtong tuig 2018. Gi-sugdan kini niya sa pag-butyag sa financial reports dayon ang mga updates sa mga on-going pa nga mga programa ug mga proyekto. Gisaysay usab ang compliance sa barangay kabahin sa National Laws & Issuances ug ang pag-butyag sa mga isyu sa barangay ug mga concerns niini sama na lamang sa disaster preparedness, solid waste management ug uban pa.
Gipasalamatan ni Kap. Galinea ang mga partisipantes nga arang ka bagang ihap sa katawhan ang mitambong ug mi-suporta sa nahimong malampuson nga aktibidad. Nagmapasalamaton usab ang kapitan ngadto sa iyang mga maabtikong konseho nga maoy mitambayayong kaniya ug pasalamat nga walay mibabag sa iyang ginahimong mga proyekto ug kaayohan ngadto sa tanang katawhan. Ug labaw sa tanan napasalamat ang nasangpit ngadto ni Gov. Sol Matugas ug Mayor Ernesto Matugas sa kanunay nga pagpaluyo ug suporta sa ilang mga programa sa Brgy. San Juan.
Mitambong sa maong aktibad si Rev. Fr. Yohanes Dua Dani Bao, ang kora paroko sa San Vicente Ferrer Parhish sa nasangpit nga barangay, City Director Jimylen Balicud sa DILG, mga Barangay Health Workers, BPLK, day care workers, RHU workers sa pag-panguna ni doktora Arriba, mga school principals, kapulisan ug labaw sa tanan ang pamilya ni Kap. Galinea.