Cagayan de Oro – Gidasig ni Congressman Atty. Lordan Suan nga mapasa ang balaodnon nga HB09747 kon Bar Review Center Assistance and Accessibility Act, usa ka programa nga nagtanyag sa libre ug may diskwento o review-now-pay-later nga mga serbisyo sa review center ug mga online nga programa alang sa Bar Examinations.
Ang maong programa nagtumong nga mahatagan og higayon ang mga takus nga mga estudyante nga maayo sa akademiks, ug adunay positibo nga pamatasan diin prayoridad sa maong programa kadtong tinuod nga nanginahanglan inubanan sa pakisusi sa poverty threshold nga gitakda sa National Economic Development Authority (NEDA) inubanan sa Supreme Court (SC) nga maoy responsable sa pagpalambo, pagpatuman, ug pagdumala sa programa nga gitukod sa HB09747.
Samtang gidasig usab ni kongresista Suan ang public-private partnerships sa mga review center sa Bar Examination nga magtanyag og diskwento sa mga programa o mga scholarship alang sa mga naglisod nga mga estudyante bahin sa pinansyal nga panginahanglan apan determinado nga sa pagkab-ot sa propesyon sa pagka abogado.