Nagin masalimoot si naging sitwasyon kan lunes kun saen nagin padipisilan an paglaog ni Mayor Junjun Zorilla asin kan saiyan kampo.
Kun magigirumduman nakapodlock an gate kan minisipyo asin nanindugan an Bise Alkalde Na si Vic Ramos na epektibo na an panduwang 6 na Bulan suspension order kan alkalde na ibinaba kan Office of the Governor Pakalihis an nagin desisyon kan Sanguniang Panlalawigan sa kasong Administratibo para sa Grave Misconduct and Coduct Predjudicial to the Best Interest of the Sevice, mantang an karapatan makapag-apela an kinakaputan man kan kampo ni Mayor Zorilla.
Sa ngonian haros ribong an mga pamayo nin opisina kun siisay manangad an maperma kan mga importanting dokumento asin man checke para sa padagos na operasyong kan munisipyo kan Bato Camarines Sur.
Mientrastanto sa ngonian nasa ibong na Building nag-oopisina si Mayor Junjun Zorilla mantang yaon man sa Munisipyo an Acting Mayor VM Vic Ramos kun saen saiyang sinasandigan an ibinabang certification kan DILG Provincial Office
Sa katakod na impormasyon nakamonitor pa man guiraray an PNP Bato sa pamamayo ni PCapt. Junny Cris Curba OICÂ katuwang an mga personahe ka CSPPO sa posibling kaabtan na sitwasyon.
Sa lado man kan mga suportadores kan mag-ibong na lado, pinakikiulayan kan mga awtoridad na magin maingat sa mga komento o ano man na tataramon para maiwasan an kariribukan
(Jv Navarro Verdeflor Jr. Bato Camarines Sur Photo: CTTO)