Quezon, Bukidnon – Patay ang usa ka bana human lubaa sa iyang asawa diha sa Merangeran, Quezon, Bukidnon gahapon.
Biktima mao ang 48 anyos nga ai Alyas Roger ug ang suspek mao ang asawang si Alyas Lina nga 41 anyos.
Subay sa report nga sa wala nahitabo ang krimen, nagkalalis ang biktima ug suspek
Gibutyag nga nahimong agresibo ug bayolente ang biktima kung diin iyang gikulata ang iyang asawa. Tungod niini, midagan paingon sa kusina si Lina og nikuha sa kutsilyo ug gidunggab sa tiyan iyang bana.
Nadala pa sa hospital si Roger apan gideklara kining dead on arrival.
Ning panahona, gikostodiya na sa kapulisan ang suspek ug gipasakaan na sa kaso.
Hisayran nga selos maoy hinongdan sa panaglalis nga misangpot sa pagpatay.