Baguio City – Ang Cordillera Regional Tripartite Wage and Productivity Board (RTWPB) ay nagpasiya na motu proprio issue Wage Order No. CAR-22 na nagbibigay ng trenta pesos na pagtaas sa arawang sahod ng minimum wage earners.
Kasabay nito, ang RTWPB ay nagpalabas ng Wage Order No. RB-CAR-DW-05 na nagtataas ng buwanang sahod ng domestic workers o kasambahay ng apat na raang piso. Kaya ang mga kasambahay sa rehion ay makakatanggap na ng buwanang sahod na P4,900.
Ipinaliwanag ni Department of Labor and Employment-Cordillera Regional Director Nathaniel Lacambra na ang pagtaas ng sahod ay isang pagtugon sa kanyang tinatawag na socio-economic indicators. (Joel Cervantes | Jimmy Bernabe, photo courtesy of PIA Cordillera)