Camp Dangwa, La Trinidad, Benguet – Kusang sumuko sa mga maykapangyarihan ang dalawang dating miyembro ng rebeldeng makakaliwa na gumagana sa ilalim ng CPP-NPA-Terrorist (CNT) sa probinsiya ng Apayao at Ifugao. Ang mga ito ay miyembro ng Militia ng Bayan.
Sa Apayao, sumuko ang naturang rebel returnee matapos ang usapan na ginawa sa pagitan ng tauhan ng Pudtol Municipal Police Station (MPS), 1st Apayao Provincial Mobile Force Company (PMFC), 1505th Maneuver Company of Regional Mobile Force Battalion 15 (RMFB15), at ng Philippine Army’s 17th Infantry Brigade (17IB).
Isinuko din nila ang isang homemade na pistola na may laman na bala. Samantala, sa probinsiya ng Ifugao, sumuko din ang isang rebel returnee sa Alfonso Lista Municipal Police Station kasama nito ang iba pang grupo ng maykapangyarihan matapos isagawa ang pag uusap sa pagitan ng dalawang panig.
Isinuko din nila ang isang baril na caliber 45 COLT MK IV, isang magazine, at may limang rounds ng mga bala. (Joel Cervantes, photo courtesy of PRO-COR)