Nahidangat na sa dakbayan an isa ka unit ug brand-new nga patrol boat sa hanay nan kapulisan sa dakbayan na tagdawat mismo ni PCol. Glenn Sampaga, an Chief of Police. Ini na water asset an daku na tabang ngadto na sa ila na hanay dakan mas mapalapdan pa an ila pagpanerbisyo ngadto na sa mga Surigaonon ilabina an sa kaislahan na mga barangay.
Sa impormasyon ni PCol. Sampaga an amo na patrol boat nagkantidad sa 2.6 milyones ka pesos, jaoy capacity nga maka karga sa muabot sa napuyo (10) ka tawo sanan may 115hp na makina. Ini paspas diin mas dali na maka respondi an kapulisan kon jaoy mga tawag panseguridad ngadto na sa muabot 21 ka mga island barangay na sakop nan dakbayan sa Surigao.
Dugang pa na mas mapaabot na usab nila ngadto sa mga kaislahan ang hugot na pag implementar sa mga balaud para sa padajon sanan pag mentinar sa kahapsay sanan kalinaw. Andam isab an amo na patrol boat nga mamahimong dugang asset sa dakbayan ilabina panahon sa emerhensiya o respondi sa kadagatan.
Daku an kalipay sanan pasalamat sa tibuok pwersa nan kapulisan sa dakbayan ngadto na sa gobyerno sa syudad ubos sa administrasyon ni City Mayor Estong Matugas sa padajon na dakung suporta niini ngadto na sa ilang hanay. An amo na pondo nagagikan sa syudad nan Surigao ubos sa City Peace and Order.
(Source: Surigao City PIO Facebook page)