29.5 C
Manila
Friday, March 29, 2024

Bag-Ong Jail Warden Sa MOPJ Nanumpa Kang Gobernador Bambi

- Advertisement -

Nagbaton na og bag-ong Jail Warden ang Misamis Oriental Provincial Jail (MOPJ) human miretiro na si kanhi Jail Warden Dominador Tagarda.

Sa nakalabay nga adlaw nanumpa ubos kang Governor Bambi Emano ang hulip ni Warden Tagarda nga mao si kanhi PNP-Provincial Director Retired Police Colonel Robert Roy Bahian.

Gipasalig ug gipanumpaan ni Warden Bahian nga mosubay sa tanang kamandoan ug i-implementar ang tanang programa aron mas mapalambo ang MOPJ nga nahisubay sab sa kasamtangang programa sa Probinsya ug sa Nasyunal.

Dako ang pagpasalamat niini sa gihatag nga responsibilidad ug katungdanan sa Lokal nga Panggamhanan labina gyod sa liderato ni Governor Bambi Emano.

“Ako ipadayag akong heartfelt nga gratitude and thanks to the Provincial Governor sa paghatag niya niini nga katungdanan and his unwavering support isip mahimo nga new warden. Ang atong Governor man gud is versatile, bright, very kind leader ug very visionary leader dapat mu align pod mi ana as a Department Head,” matud ni Warden Bahian.

Gi-ehemplo niini nga ang MOPJ sama sa usa ka panimalay nga kanunay ipatunhay ang kahapsay ug kalinaw aron walay mga moreklamo nga gikan sa mga Person Deprived of Liberty (PDL).

“Kung pwede nga makita nato nga masuportahan nato sila sa ilang moral and welfare kay ang mandato man gud nato sa Jail Management mao ang Rehabilitation ug Custodian sa ilaha sa pag care sa ilaha,” dugang niini.

Numero uno sab nga kamandoan ug direktiba ni Governor Bambi nga kinahanglan nga walay droga nga makasulod sa Provincial Jail ug gikinahanglan nga mapatuman ang mga balaod sa sulod aron mapadayon ang kahapsay ug kalinaw sulod sa bilanggoan.

Naglaum si Governor Bambi nga sa bag-ong liderato ni Jail Warden Bahian mapadayun ang kahapsay ug masiguro nga makab-ot ang insaktong pagdumala sa MOPJ nga patas ug walay mapihig nga PDL sulod niini. (Public Information Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -