Ayuda Gihatag Ngadto Sa 230 Ka Mga Kanhi Miyembro Sa NPA Sa Davao Region

Davao City – Mukabat sa 230 ka mga kanhi sakop sa New People’s Army (NPA) midawat ug tag-20 mil ka pesos matag usa pinaagi sa Sustainable Livelihood Program (SLP) sa Department of Social Welfare and Development (DSWD) XI.

Ang nasangpit nga mga kanhi sakop sa NPA  gikan sa mga probinsiya sa Davao del Norte, Davao de Oro ug Davao Oriental kinsa nahatagan usab og dugang nga tag ₱ 3,000 matag usa alang sa transportation ug food assistance.

Miabot ngadto sa ₱ 4.6 million ang kinatibuk-ang ayuda nga nahatag sa DSWD XI. Tumong sa SLP nga tabangan ang mga indibidwal nga anaa sa vulnerable, marginalized ug disadvantage sektor alang sa ilang panginabuhian labi na sa panahon sa pandemya nga hatud sa Covid-19.

(Source: DSWD XI)