El mga atletas de weightlifting ya gana el primer medallas de oro na Juegos Nacional del Batang Pinoy na ciudad de Puerto Princesa, Palawan.
Asegun con Dr. Cecil Atilano, el director deportivo del ciudad, ya habla el Juegos Nacional del Batang Pinoy ya comensa del Noviembre 23 hasta Noveimbre 28 na Ramon Mitra Jr. Sports Complex na ciudad de Puerto Princesa.
Asegun con Atilano, el mga atletas del ciudad ya gana cuatro medallas de oro, dos de platas y dos de bronzes na primer dia del competicion del Domingo.
El mga medalistas de oro ta inclui canda Princess Allaine Sinining, Cydrelle Jay Andalahao, Adrian Bucoly si Cyreine Jean Borce.
Asegun con Atilano, si Precious Jade Lozada, ya gana tamen un medalla de oro y cuatro medallas de plata.
El gobierno del ciudad bajo’l liderato del Alcalde John Dalipe ya extende su major deseos con el mga atletas del ciudad de Zamboanga quien ta participa na competicion nacional del Batang Pinoy. (B. Garcia)