Gibutyag sa Philippine Atmospheric, Geophysical and Astronomical Services Administration (PAGASA) nga walay hulga a pulo sa Mindanao ang ash fall gikan sa bulkang Taal. Uban sa PAGASA ang buhatan sa Philippine Institute of Volcanology and Seismology (Phivolcs) nagsugilon nga walay angay ikabalaka ang katawhan sa pulo.
Inay nga mabalaka sa ash fall gikan sa Taal Volcano eruption nganhi sa Mindanao, mas maayo nga hunahunaon na lang ang pagpangitag pamaagi kon unsaon pagpaabot sa tabang ngadto sa mga apektadong katawhan sa Batangas, sumala pa ni Phivolcs 10 Officer in Charge Marial Labininay.
Sa pikas bahin, gisugilon ni Labininay nga nagpabiling hilom o alert level zero ang mga bulkan sa Mindanao ilabi na sa Northern Mindanao taliwala pa man sa pagbuto sa bulkang Taal. Hinuon wala sila nagkompyansa niini nga sitwasyon sa pagmonitor pinaagi sa ilang satellite stations.
Ang Philvolcs 10 adunay upat ka stations sa Camiguin nga nahimutang sa lungod sa Mambajao nga adunay matag usa sa Musua, Bukidnon, Bacolod, Lanao del Norte us sa Malasag, Cugman dinhi sa Cagayan de Oro.