Usa ka Anti-Sona rally ang gipahigayon dinhi sa dakbayan sa dabaw atol sa ika-unom ug katapusang State of the Nation Address (SONA) ni President Rodrigo Roa Duterte pinaagi sa mga progresibong grupo sa Bangkerohan Public Market, Agdao ug Roxas Avenue ning siyudad.
Gisaway sa nasangpit nga mga progresibong grupo si President Duterte human kuno alang kanila napakyas kini nga haw-ason sa kalisod ang mga marginalized sectors dinhi sa Mindanao.
Ila usab nga gipatubag ang Presidente sa kuno pakyas niining programa sa pandemya pinaagi sa lockdown, repression, kakulang sa ayuda ug suporta sa mga health frontliners sa nasud.
Atol sa rally nakasuot og face mask, face shield ug mituman sa social distancing nga mga protocols batok sa COVID-19 ang mga raliyesta.
(Source: KAMM Media Network, photo courtesy of Kilab Multimedia)