Maipatungpal ti “Unified” weno agpapada a pagannurutan iti pannakaipalubos ti naannayas a panagbiahe para iti panagpalpaliwa dagiti kakailian iti pannakaisayangkat ti “Travel Corridor”.
Segun ken ni provincial Tourism Officer Mr. Aianree Raquel, nangrugi ti pormal a katulagan babaen iti panagpipinirma dagiti gobernador ditoy rehion uno a pakairamanan ni Gob. Matthew Marcos Manotoc ken ni Mayor Benjamin Magalong iti Memorandum of Understanding idiay siudad ti Baguio.
Imbatadna nga immune ti pannakaisayangkat ti panagsukisok ken pannakabukel dagiti pagannurutan para iti “travel corridor”.
Inlawlawag a nagbalin a “host” ti Ilocos Norte iti “technical working group meeting” nga inatendaran dagiti kakaduana a tourism officer ditoy rehion uno pakairamanan ti siudad ti Baguio.
Kunana a ditoy a nabukel dagiti pagannurutan va maipatungpal ken intono lunes ket agsubli manen dagitoy idiay siudad ti Baguio tapno tumalantanda iti pannakairubuat ti “travel corridor”.
Inbunnannagna a ditoy a mangiyuswatda ti “mini travel show” Mngrugi intono Martes a pakaipakatan dagiti “tour package” manipud iti Ilocos Norte travel agencies association pakairamanan dagiti produkto ti ilocos norteken irubuat met ti bagui ti “online system” dagitoy paraiti “registration” ken pannalamonitor dagiti turista a maawagan “Baguio bisita”.
Innayonna a kalpasan ti dua a lawas ket sumublat met ti ilocos norte ken ti “tentative” a petsa ket mabalin nga intono duapulo ket siam ti mabilang iti daytoy a bulan ti setiembre wenno intono umuna nga aldaw ti Oktubre. (Irene Ringo, RPN DZRL Batac Correspondent)
(Source: Provincial Tourism Office)