General Santos City – Usa sa mga direksyon sa administrasyon ni Mayor Lorelie Geronimo Pacquiao mao ang Economic Recovery and Stability sa dakbayan ubos sa LGP CARES.
Busa iyang gipangunahan ang pagpanghatag sa Kabuhayan Starter Kits gikan sa Department of Labor and Employment (DOLE).
Sa kantidad nga P400,000, mikabat sa 48 ka mga tawo ang nakabenepisyo sa gipaambit nga Livelihood Starter Kits.
Dako ang pasalamat ni Mayor Pacquiao sa buhatan ni Sen. Dela Rosa nga nihatag ug pundo para mapahigayon ang maong aktibidad.
Dili lang sa mga livelihood programs ang gitabangan sa senador, ang Medical Assistance to Indigent Patients kon MAIP nitabang usab sa dakbayan.
Duha ka asosasyon ang nakadawat ug livelihood starter kits.
Ang Labangal Community Workers Association nga adunay 21 ka miyembro nakadawat og mga materyales aron masugdan ang Frozen Product Vending.
Ang mga Taxi Drivers ug Operators sa Gensan nga adunay 27 ka miyembro nakadawat ug Taxi Auto Parts ug Auto Supplies.
Ang hangyo ni Mayor Pacquiao ngadto sa mga benepisyaryo nga molambo ang ilang start-up nga negosyo kay dako kinig ikatabang sa ilang pamilya ug komunidad. (Jun Abelo, photo courtesy of TatakP)