Cagayan de Oro – LARAW kab-uton sa administrasyon ni Mayor Rolando “Klarex” Uy ang katukoran sa 400 ka mga classrooms sa dili pa matapos ang unang termino sa iyang pangatungdanan ning syudad.
Sa mensahe ni Mayor Klarex atol sa groundbreaking ceremony sa 2-storey, 4-classroom sa Malasag Elementary School adlaw’ng Martes, iyang gikalipay nga pipila na ka mga classroom buildings ang gisugdan sulod lamang sa kapin usa ka tuig niyang pamunoan nga makahatag og kasayon sa mga estudyante ug magtutudlo sa nagkalain-laing pampublikong tunghaan.
Dugang pa sa mayor, iyang paningkamotan uban sa kooperasyon sa mga departamento sa city hall nga sa hinay-hinay masulbad na ang kakulangon sa mga tunghaan.
Kahinumdoman nga gipangulohan ni Mayor Klarex ang groundbreaking ceremony kauban ang mga kadagkoan sa Department of Education Division of Cagayan de Oro, city hall officials, City Councilor Suzette Magtajas-Daba ug mga sakop sa Local School Board.
News and photo courtesy of CIO CDO