27.2 C
Manila
Friday, March 29, 2024

40 Ka Nurses, Doctors Sa JRBGH Magkwarantina Adlaw-Adlaw

- Advertisement -

Dili momenus sa 40 ka mga personahe sa JR Borja General Hospital (JRBGH) ang gi-kwarantina adlaw-adlaw tungod sa risgo nga ilang giatubang sa pagserbisyo sa mga pasyente.

Kini usab ang susamang kasinatian sa Northern Mindanao Medical Center (NMMC) ug sa halos tanang hospital sa nasud, ingon man sa ubang kanasuran.

Matud ni Dr. Ramon Moreno, chief of hospital sa JRBGH, usa kini sa mga dakong hagit nga ilang giatubang karon ug maoy hinungdan sa kakulangon sa mga staff, apan wala nagpasabot nga mibalibad ang city hospital sa pagdawat og mga pasyente.

Sa kasamtangan, anaa na sa 209% ang bed capacity utilization sa City Hospital, pagpasabot ni Dr. Moreno.

Dugtong pa ni Dr. Moreno nga tungod sa maong gidaghanon sa nagkwarantina ug midangop nga mga pasyente, nakasinati og kalisdanan ang mga medical doctors ug nurses, ingon man ang kakulangon sa pasilidad alang sa mga pasyente sama sa katre ug oxygen.

Samtang, usa usab sa mga hagit ang kalangan sa suholan sa mga empleyado niini tungod usab sa mga nagkwarantina nga mga personahe dili lamang sa hospital, apan lakip sa city hall nga maoy gitahasan sa pag-andam sa mga dokumento, lakip ang pagsirado sa ubang national agencies nga konektado sa proseso.

Apan bisan pa man niini nga mga hagit ug kalisdanan, malaumon ang pamunoan sa JRBGH ug CDO LGU nga matubag ang mga hagit nga dala sa COVID 19 pandemic. (NMMC-10)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -