38th SOCOTECO II AGMA, Malamposon

Dakong kalipay sa mga opisyal sa SOCOTECO II sa pagpanguna ni General Manager Crisanto “ Bong “ Sotelo ug BOD Chairman Jose “ Butch” Santos sa malamposong gipahigayon nga ika- 38th Annual General Membership Assembly kon AGMA 2019 nga gipahigayon niadtong milabyang adlawng sabado December 7,2019 sa upat ka mga venue nga ang pinakasentro mao ang Lagao Gym para sa MCO kon Member consumers owners sa Gensan ug Malungon, Capitol Gym para sa Glan , Malapatan ug Alabel , Polomolok Gym sa Polomolok ug Tupi ug Maitum Gym para sa Massim , Kiamba ug Maitum. Matud pa ni Butch Santos nga bisan labing unang higayon gipahigayon ang dungan nga AGMA sa upat ka mga lugar pinaagi sa pagamit sa teknolohiya pinaagi sa internet connection apan tataw nga nasabtan sa mga tawo ang mensahe nga gipaabot sa tagdumala sa maong kooperatiba “ bisan sa ginagmay na technical problem pero generally successful ang 38th AGMA tungod napaabot sa mga tawo ang mensahe ilabina sa kahimtang kon update sa SOCOTECO II ug kapin 50,000 ang attendance sa maong event nga naka comply subay sa requirements sa balaud sa maong assembliya “, ang pahayag ni Santos .  Samtang sa habig usab ni GM Bong Sotelo pormal niining gipahibalo sa mga myembro sa SOCOTECO II nga kutob na lang siya December 31,2019 ug ang mahimong OIC kon Officer In-charge kon General Manager mao si ISD Manager Geronimo Desesto sugod bulan sa Enero 2020 ug kini aprobado na sa NEA kon National Electrfication Administration .  Gipasigarbo usab niini nga lima ka tuig sunod-sunod nga napasidunggan nga triple AAA awardee ang SOCOTECO II ug napasidunggan usab sa 13th million connection atol sa 50th foundation anniversary sa NEA . Gipasigarbo usab niini ang pagpalambo sa serbisyo pinaagi sa individual accreditation sa mga electricians ug additional capacity sa mga power substation sa matag lugar sa franchise area .  Atol sa open forum napangutana ang kabahin sa PWD discount nga diskusyonan pa sa mga BOD, ang isyu sa Astronergy solar power supply nga naabtan matud pa sa kamanduan sa korte , ang pagtuon kabahin sa conversion sa SOCOTECO II isip tinuod nga kooperatiba ubos sa CDA, ug uban pang concerns sa mga MCO.  Nitambong usab sa maong 38th AGMA ang representante gikan sa NEA Manila . Samtang adunay medical mission ang gipahigayon sa Lagao gym kaabag ang Sarangani Energy Corporation ug uban pang partner.  Adunay raffle sa mga motorsiklo ug uban mga appliances samtang ang tanang mitambong nakadawat ug rice allowance in cash P250.00 .  Nahimong hapsay ug malinawon ang kinatibuk-ang aktibidad sa AGMA 2019. (Ronel Degorio –RPN- DXDX Gensan)