- Advertisement -
Muabot na sa 1,370 ka mga frontline health workers sa unom ka ospital ning syudad ang malampusong nabakunahan sa second dose sa Sinovac vaccine niining semanaha.
Kini nga mga ospital gilangkoban sa Camp Evangelista Station Hospital, Cagayan de Oro Medical Center, JR Borja General Hospital, Madonna & Child Hospital, Northern Mindanao Medical Center ug Polymedic Medical Plaza.
Sa kinatibuk-an, adunay 3,544 ka mga frontline health workers ning syudad ang nabakunahan sa first dose sa Sinovac, diin 38.65 porsiyento ang nakakompleto na. Magpadayon ang nasangpit nga mga ospital sa pagpahigayon og second dose vaccination sa Sinovac hangtod karong semanaha. (City Health Office)
- Advertisement -