Cagayan de Oro – Dili matukib ang kalipay nga gibati sa 34 ka mga Persons with Disabilities (PWD) human nakadawat og libreng mga wheelchairs nga gitunol mismo ni Mayor Rolando ‘Klarex’ Uy adlaw’ng Miyerkules, Oktubre 25.
Naandan na sa mayor ang pag-apud-apod og mga libreng wheelchairs atol sa ‘People’s Day’ matag Miyerkules sa city hall quadrangle alang niadtong adunay mga kabilinggan sa panglawas nga maglisud na intawon sa paglakaw.
Gawas sa mga PWDs, gihatagan usab ni Mayor Klarex sa prayoridad ug tukmang pagtagad ang ubang sector sa katilingban nga nanginahanglan og tabang sa gobyerno sa syudad.
News and photo courtesy of CIO CDO