MALAMPUSONG migradwar sa ‘Peer Educators Training’ ang 32 ka mga tinun-an nga PopDev leaders gikan sa unom (6) ka mga tunghaan sa Cagayan de Oro nga gipasiugda sa Community Improvement Division ug sa hugot nga suporta sa Oro Integrated Cooperative, Enero 15-17, 2025.
Ang nasangpit nga pagbansay gipahigayon sa conference room sa Commission on Population and Development Region 10 nga gisalmotan sa mga peer educators gikan sa Angeles Sisters National High School, Cagayan de Oro City HS, Bonbon NHS, Bugo NHS, Kauswagan NHS ug Macabalan NHS.
Laraw niini nga mapalawom ang kahibalo sa mga PpDev leaders pinaagi sa pagsagop sa hustong impormasyon kabahin sa mga isyu nga giatubang karon sa kabatan-onan sama sa mental health issues, teenage pregnancy, substance abuse ug uban pa.
Ang nasangpit nga mga peer educators ang magsilbi usab nga volunteers alang sa pagpadagan sa ilang mga tagsa-tagsa ka mga school-based teen centers.