Biente siete (27) ka mga bag-ong kaso sa Delta variant ang natala sa Cagayan de Oro, sigun pa sa taho ni Dr. Ted Yu, medical officer sa City Health Office atol sa daily presser sa miaging adlaw.
Basi sa August 6 to11 report sa Department of Health, gibutyag ni Dr. Yu nga nagkatag sa 16 ka barangay sa tibook syudad ang ika-6th batch sa bag-ong Delta variant cases.
Sa maong gidaghanon, 17 ang clinically recovered, 5 ang active, 3 ang negative, samtang 2 ang namatay kon expired, dugang ni Dr. Yu.
Si Dr. Yu nagkanayon nga natala sa Carmen ang 4 ka kaso (not related), 1 sa Indahag, 2 sa Cugman (not related), 1 sa Nazareth, 1 sa Macasandig (expired), 7 sa Barangay 30 (construction company workers).
2 sa Gusa (not related), 1 sa Upper Balulang, 1 sa Balulang, 1 sa Bonbon, 1 sa Barangay 25, 1 sa Barangay 10, 1 sa Puntod, 1 sa Barangay 11, 1 sa Camaman-an ug 1 sa Bugo (expired).
Gipasabot ni Dr. Yu nga ang 17 ka clinically recovered ibutang pagbalik sa isolation facilities alang sa re-swabbing and monitoring.
Padayon karon ang masubsob nga contact tracing sa mga close contacts sa bag-ong Delta variant cases.
Sa mensahe ni Mayor Oscar Moreno, gipasabot niini nga mas epektibo pa gihapon ang makanunayong pagmatngon ug pagtuman sa BIDA solusyon sa DOH aron malikay nga mataptan, ug pagpabakuna aron mapugngan ang pagsaka pa sa COVID 19 cases nga karon nasinati dili lamang sa tibuok rehiyon, apan sa tibuok kalibutan tungod sa pagkompyansa na sa katawhan. (Source: City Hall Press Briefing)