- Advertisement -
General Santos City – Malinawon nga gitak-op ug gideklara nga malampuson ang 5 ka adlaw nga kasa-ulogan sa 25th TUNA FESTIVAL ning dakbayan sa Gensan.
Gihimo ang pagtak-op sa maong selebrasyon kagabii sa Pioneer Avenue, General Santos City ubos sa pagpanguna ni Gensan City Mayor Lorelie Pacquiao ug gidagsa gayud kini sa mabagang du-ot sa katawhan.
Gitak-op ang 25th TUNA FESTIVAL pinaagi sa LAWIHAN STREET DANCING COMPETITION nga gisalmotan sa 4 ka contengent, diin 3 ka grupo nagagikan sa Gensan ug ang 1 ka grupo gikan sa Esperanza, Sultan Kudarat nga maoy gideklarang mikampiyon ug nasungkit nila ang P350,000 nga premyo.
Tungod sa maong kalampusan, gipasalamatan gayud ni Mayor Pacquiao ang Organizer sa mga events, ingon man ang kapulisan sa dakbayan sa pagpanguna ni Col. Nocomides Olaivar Jr. ug Joint Task Force (JTF) Gensan Commander Col. Ruben Aquino.
Human sa maong street dancing competition, gisundan gilayon kini sa pagtugtog sa mga musika pinaagi sa bandang CUERDAS ug bandang DILAW nga mas misamot nakapatapok sa katawhan hangtud sa tungang gabii. (Rem Agdon)
Photos: CMO
- Advertisement -
