General Santos City Mikabat gayud sa 25 ka magtiayon gikan sa lain-laing barangay ning dakbayan sa Gensan ang opisyal nga gikasal sa “Kasalan ng Bayan sa Buwan ng Oktober” niadtong Lunes, Oktubre 14, 2024 sa Greenleaf Hotel.
Si Mayor Lorelie Geronimo Pacquiao maoy nangulo sa seremonyas, naghatag inspirasyon ug suporta sa matag bag-ong magtiayon.
Isip kabahin sa programa, si Mayor Pacquiao personal nga mihatag og cash gift sa matag magtiayon isip simbolo sa iyang padayon nga pagpakabana sa bag-ong yugto sa ilang kinabuhi.
Ang mga gasa nga nadawat sa magtiayon naglakip usab sa mga gift packs ug usa ka sakong bugas matag usa, inabagan sa lokal nga kagamhanan, 1Pacman Partylist ug Bobslor Pacquiao Foundation.
Si Mr. Si George Anas, sa laing bahin, mihatag og dugang nga suporta pinaagi sa paghatag og mga kahigayonan sa panginabuhian sa bag-ong kasal, aron masiguro ang ilang pagsugod sa mas lig-on nga kaugmaon.
Naorganisar ang Kasalan ng Bayan inabagan sa Local Civil Registrar sa dakbayan ubos sa pagpangulo sa ilang Department Head nga si Mrs. Nenita Ellivera.