Baguio City – May kabuang 2.5 milyong piso ang nalikom sa Alay Lakad para sa Kabataan ng Bagong Pilipinas Nationwide Walk event. Ang mga nalikom na pera mula sa pagbebenta ng ticket ay ibinigay na sa Pangulo ng Liga ng mga Barangay na walang iba kundi si konsehal Rocky Aliping para sa 128 barangay para tulungan na magkaroon ng scholarship program ang out-of-school youth ng lungsod ng Baguio.
Si Mayor Benjamin Magalong ay agad sumali matapos manggaling sa Palawan para sa pagbubukas seremonya ng Batang Pinoy. Sinabi ng alkalde na ang kaganapang ito ay sumasalamin sa ating pagkakaisa at ang ating matibay na malakas na pakiramdam “at bukas ang ating isipan sa pagtulong sa ating kabataan.
Kasabay nito, nagpahayag din ng malalim na pagpapahalaga sa Alay Lakad Foundation, Inc,at sa mga sumamang opisyal ng lungsod at empleado, punong barangays at opisyal ng barangay, ang civic society organizations,ang Bureau of Fire Protection, ang Baguio City Police Office, ang Philippine Military Academy, ang Bureau of Jail Management and Penology, ang BENECO, ang Baguio Water District, at sa lahat na sumama sa alay lakad. (RPN-Baguio/Joel Cervantes/Jimmy Bernabe)
(Source: PIO Baguio)